अमरावती : अमरावती जिल्ह्याचे पालकमंत्री प्रवीण पोटे-पाटील यांनी आपल्या जिल्हा दौऱ्यादरम्यान, अचलपूर तालुक्यातील परतवाडा इथे पक्षाचे कार्यकर्ते आणि पदाधिकाऱ्यांसोबत संवाद साधला. ‘मुख्यमंत्री देवेंद्र फडणवीस यांच्या नेतृत्वाखालील राज्य सरकारच्या लोककल्याणकारी योजना व त्यांचा लाभ, समाजातील शेवटच्या माणसापर्यंत पोहोचविण्यासाठी व अंत्योदय योजनेला मूर्तरूप देण्यासाठी जोमाने कार्य करा,’ असे आवाहन त्यांनी या वेळी उपस्थितांना केले.